荃灣如心海景酒店 天空酒廊嘆鐵板餐

鐵板餐絕對係富有本地特式嘅經典食品,作為香港本土酒店品牌之一嘅荃灣如心海景酒店,就將鐵板餐帶入酒店餐廳,將鐵板餐提升至更高層次,而價錢仲好合理,所以我哋就嚟到酒店內嘅天空酒廊試吓呢個午市鐵板套餐啦!天空酒廊位於41樓,除咗可以俯瞰荃灣、青衣同遠至汀九橋嘅景色之外,飯前飯後不妨行埋旁邊連接高座同低座嘅玻璃底天橋,打卡一流㗎!

〈好食〉荃灣如心海景酒店 天空酒廊嘆鐵板餐
〈好食〉荃灣如心海景酒店 天空酒廊嘆鐵板餐

午市鐵板套餐有前菜、主菜、甜品同飲品;一開始仲有熱辣辣麵包同牛油。

〈好食〉荃灣如心海景酒店 天空酒廊嘆鐵板餐

田園沙律配粟米紅菜頭及柚子洋葱豉油汁
A姐嘅前菜就選擇咗沙律,份量啱啱好,沙律菜非常新鮮,但最愛就係個柚子洋葱豉油汁,味道好有層次,夠晒開胃。

〈好食〉荃灣如心海景酒店 天空酒廊嘆鐵板餐

法式洋蔥湯配芝士多士
我就揀咗法式洋蔥湯配芝士多士,芝士多士脆卜卜,而芝士仲可以拉出絲,芝士味香濃,好有誠意。至於洋蔥湯好足料,洋蔥味好香,食到洋蔥嘅鮮甜味。

〈好食〉荃灣如心海景酒店 天空酒廊嘆鐵板餐

澳洲西冷配燒汁
主菜方面,我就揀咗三成熟嘅西冷,選擇三成熟係因為鐵板會令牛肉變熟,所以到食嘅時候就會變成啱啱好嘅五成熟喇!西冷有成220g,份量十足,牛味香濃,肉質軟腍,非常Juicy。

〈好食〉荃灣如心海景酒店 天空酒廊嘆鐵板餐